100 traballadores desempregados participarán no novo Programa Integrado de Emprego de Galicia da Fundación Laboral de la Construcción

A Consellería de Emprego e Igualdade vén de concederlle á Fundación Laboral de la Construcción a posta en marcha dun Programa Integrado de Emprego de Galicia, que conta co financiamento da Xunta de Galicia e o Servicio Público de Empleo Estatal.

A súa finalidade é contribuír á dinamización do mercado laboral, implementando estratexias e accións conducentes a incrementar a empregabilidade e acadar a inserción laboral das persoas en busca activa de emprego. O obxectivo de inserción é do 45%.

 As actividades realizaranse nos Centros que ten a Fundación Laboral de la Construcción nos concellos de Arteixo, Santiago, Vilamarín (Ourense) e Vigo.

Destinatarios:

Menores de 30 anos con baixa cualificación: 40 prazas
Menores de 30 anos cualificados: 30 prazas (cualificados)
Perceptores de prestación: 30 prazas

Accións a desenvolver:

• Plan de orientación.
• Accións de intermediación e prospección de emprego.
• Formación: Certificado de profesionalidade de máis de 300 horas e formación en competencias transversais.?

Bolsas e medidas de conciliación:

Dispoñerase de unha bolsa de asistencia de 7€/día e medidas de conciliación para favorecer a asistencia.

Na edición de 2019, o 60% das persoas participantes conseguiron un traballo grazas ao proxecto, fixéronse máis de 300 horas de formación e máis de 300 accións individuais de asesoramento e orientación laboral.        

As persoas interesadas en participar no proxecto poden contactar en: http://galicia.fundacionlaboral.org / 981983546 / pie.galicia@fundacionlaboral.org