Xornadas Profesionais Eficiencia Enerxética en Construción. Novas Oportunidades
A Fundación Laboral en Galicia convoca esta iniciativa gratuíta e aberta a todos aqueles interesados en coñecer como desenrolar a súa andadura neste eido
A mellora da eficiencia enerxética convértese no eixe dinamizador que determinará a supervivencia daquelas empresas e profesionais que estean en disposición de ofrecer solucións válidas nesta área. Nos últimos anos, a Fundación Laboral da Construción redobrou os seus esforzos por dotar ós profesionais das ferramentas necesarias para facer fronte aos novos retos aos que deben facer fronte.
En consonancia con esta inquietude, a Fundación convoca as xornadas profesionais: "Eficiencia Enerxética en Construción. Novas Oportunidades", unha iniciativa gratuíta e aberta a todos aqueles interesados en coñecer os novos servizos que poden xestionar, diversificando o seu mercado e optimizando os recursos de que dispoñen.
Os asistentes ao evento beneficiaranse da experiencia dos relatores, todos eles referentes nos seus ámbitos de actuación. Deste modo, poderán coñecer experiencias xa desenvolvidas, ao tempo que resolven dúbidas sobre a súa propia situación.
_____________________________
Estas xornadas poden levarse a cabo grazas ao cofinanciamento da Fundación Laboral da Construción, o Fondo Social Europeo e a Xunta de Galicia, a través do Instituto Galego de Promoción Económica, entidade que vela polo desenvolvemento económico de Galicia, facilitando os procesos de creación, consolidación e crecemento empresarial.